Веќе добро ви е познато дека секоја вест во медиумите и на социјалните мрежи е поврзана со коронавирусот, без разлика дали се работи за спорт, политика, здравје или култура.
Карантинот ги натера луѓето да изнајдат начин времето поминато дома да го направат корисно, а на социјалните мрежи може да се забележат и голем број уникатности.
Меѓу нив, се издвојува и шоуменот, актер и музичар, Игор Џамбазов, кој во оваа кризна (или ако сакате вонредна) состојба отсвире и испеа песна во блуз ритам, со која преку текстот објаснува во каква ситуација навистина се наоѓаме.
Видеото за помалку од 24 часа има повеќе од 40.000 прегледи и многу позитивни коментари.
„Сега и така седиме дома, Игор кажи ни ги акордите да ја научиме да ја свириме“, „Не да е добар блузов браво Игор ми го разубави утрото. И во младоста за 5 минути правеше песна така да ти завидувам малку на позитивата. Тоа му е потребно на народот“, се дел од коментарите.
Слушнете го неговото најново 'ремек дело' во продолжение.
