Кепа Аризабалага многу скоро по неговиот рекорден трансфер во Челси, вреден 72 милиони фунти ќе побара да си замине од клубот.
Поранешниот голман на Атлетик Билбао ќе поднесе и официјално барање до Челси за да биде ставен на трансфер листа преку која полесно ќе може да пронајде клуб во кој би се преселил во летниот преоден рок.
Аризабалага е посочен како еден од статистички најслабите голмани во Премиер лигата, а Френк Лампард веќе неколку натпревари со ред му дава шанса на искусниот Вили Кабалјеро, додека Кепа останува на клупата за резервни фудбалери.
Кепа не е омилен кај фановите на Челси и поради фактот што минатата сезона дрско одби да излезе од игра на натпреварот против Манчестер Сити кога тогашниот тренер Сари веќе ја имаше подготвено замената.
