Како што пренесуваат странските медиуми, Том Круз го прекинал снимањето на седмиот дел на филмот „Невозможна мисија“ во Италија, поради коронавирусот кој пристига во земјата.
Снимањето на „Невозможна мисија 7“ е прекинато, а екипата на филмот, во кој главната улога ја толкува Том Круз, ја напушти Италија, пишуваат италијанските медиуми.
Тие ги спакувале куферите и заминале од Венеција, каде ги снимале кадрите на овој акционен серијал.
„Поради големата загриженост за безбедноста и благосостојбата на нашата екипа и по советот на венецијанските власти да се избегнуваат јавни собири до следното известување, одлучвме да го прекинеме 3-неделното снимање во Венеција“, соопштило студио „Парамаунт“.
