СЗО: Земјите мора да дејствуваат брзо пред да биде предоцна

Макфакс

22/02/2020

12:51

454

Големина на фонт

а а а

Шансите за сузбивање на ширењето на епидемијата на коронавирусот во светот се намалени, предупреди Светската здравствена организација (СЗО), нагласувајќи дека земјите мора да дејствуваат брзо доколку сакаат да ја преземат контролата.

Запрашан дали епидемијата ќе се шири уште, откако во Иран и во Либан беа пријавени нови случаи и смртни случаи од ХОВИД-19, генералниот директор на СЗО, Тедрос Адан Гебрејесус, рече дека тој се уште верува дека вирусот може да биде потиснат, но додаде дека можностите за тоа се намалуваат.

„Треба да дејствуваме брзо пред да останеме без шанса. Епидемијата би можела да се движи по кој било пат. Ако постапиме правилно, можеме да избегнеме посериозна криза, но ако ја пропуштиме можноста, ќе имаме сериозен проблем“, рече Тедрос, пренесува „Ројтерс“.



Спонзорирани линкови

Маркетинг