Во Италија се забележани првите два смртни случаи како последица на зараза од смртоносниот Коронавирус кој од почетокот на годинава однесе над 2 илјади животи.
Во болница во регионот Венето починал 78-годишен маж кој во текот на последните 10 дена бил на лекување. Исто така, една жена починала во северниот регион Ломбардија. Само во последните 24 часа во Италија има 17 нови случаи на заразени од Коронавирусот со што се вклучи алармот кај италијанските власти.
Una preghiera per la prima vittima italiana del #Coronavirus e un pensiero alla sua famiglia. Forse ora qualcuno avrà capito che è necessario chiudere, controllare, blindare, bloccare, proteggere? #coronavirusitalIa pic.twitter.com/jCQrY6xX5Z
— Matteo Salvini (@matteosalvinimi) February 21, 2020
Италијанскиот премиер Џузепе Конте кој овие денови престојува во Брисел на Самитот на лидерите на Европската унија каде се расправа за буџетот, се осврна на состојбата со заразната болест во неговата земја.
„Иако постојат нови случаи на зараза, ситуацијата е под контрола. Нема место за паника. Имаме план и го спроведуваме“, изјави Конте.
Со смртоносниот Коронавирус кој за прв пат беше откриен во кинескиот град Вухан, ширум светот се заразени над 77 илјади луѓе, додека досега починаа најмалку 2,360.