На 74 години почина Лери Теслер, човекот кој ги измисли опциите "Cut, Copy & Paste" кои значително го олеснија нашето работење на компјутер.
Теслер започнал да работи во Силиконската долина во 60-тите години од минатиот век во времето кога компјутерите не биле баш достапни. Благодарение на неговите иновации, односно опциите "Cut, Copy & Paste", персоналните компјутери станале поедноставни за користење.
Корпорацијата "Xerox" во која Теслер поминал дел од својата кариера му оддаде почит.
„Лери Теслер кој ги измисли опциите Cut, Copy & Paste, како и Find & Replae и многу други, беше поранешен истражувач на Xerox. Вашата работа денес е полесна благодарение на неговите револуционерни идеи“, напишаа од компанијата на Твитер.
The inventor of cut/copy & paste, find & replace, and more was former Xerox researcher Larry Tesler. Your workday is easier thanks to his revolutionary ideas. Larry passed away Monday, so please join us in celebrating him. Photo credit: Yahoo CC-By-2.0 https://t.co/MXijSIMgoA pic.twitter.com/kXfLFuOlon
— Xerox (@Xerox) February 19, 2020
Теслер е роден во Бронкс во Њујорк во 1945-та година, а студирал на Универзитетот Стенфорд во Калифорнија. Откако дипломирал, специјализирал во дизајнот на корисничкиот интерфејс за компјутерските системи да ги направи подостапни и поедноставни за користење.
Работел за бројни технолошки компании во текот на својата кариера. Започнал во истражувачкиот центар "Xerox", а потоа Стив Џобс го повикал во "Apple" каде што работел 17 години. Потоа отворил стартап за едукација, а кратко работел и за "Amazon" и "Yahoo".
Неговата најпозната иновација, опцијата "Copy & Paste" наводно се темели на стара метода за уредување на текст, кога дел од зборовите физички се сечеле и лепеле на некое друго место.
Тие наредби биле вградени на "Lisa", софтверот за компјутери на "Apple" во 1993-та година, како и на оригиналниот "Macintosh" кој бил претставен една година подоцна.
