Додека Новак Ѓоковиќ престојува во Белград, тој се однесува како и секој обичен спортист. Екипата на српски „Блиц“ го фотогафирала како излегува од својот дом и оди на тренинг, а воопшто не му претставувало проблем да застане и да поразговара со соседите и да се фотографира со случајните минувачи.
Во еден момент Новак пред својата зграда сретнал некоја своја познаничка која била со своите деца, а потоа по краток разговор ги повикал дома кај него на гости.
Со оглед на тоа што неговата сопруга Јелена била сама во неговиот дом, со нивните деца додека тој е на тренинг, Ноле се вратил дома и ја однел својата соседка со децата во неговиот дом.
Потоа, се упатил на тренинг, а случајните минувачи биле вчудоневидени кога го здогледале на улица. Некои од нив му пришле и побарале да се фотографираат со него, а тој застанал и го направил тоа со секој поединечно.
Дека е многу сакан во соседството докажал и моментот кога некои од соседите срдечно му мавтале со рацете, а тој им возвратил со иста мера и им рекол: „Здраво, како сте?“
