Експертите направиле листа на групи храна за кои луѓето најчесто имаат апетит и објасниле што значи тоа.
Во таквите ситуации јадењето на таквата храна понекогаш нема долгорочно да го задоволи организмот.
Желбата за слатки укажува на пад на нивото на шеќер во телото, а по консумирање на нешто слатко, шеќерот повторно расте и се ослободува инсулин. Но, станува збор за нагли осцилации во телото бидејќи набрзо нивото повторно ќе опадне и повторно ќе посакате да изедете нешто слатко.
Колку повеќе слатки јадете, телото ќе ви бара уште повеќе. За да ја спречите ваквата појава, докторите советуваат земање на хром кој е важен за нормалната функција на инсулинот во телото и нормален проток на шеќерот во крвта. Организмот ќе има доволно хром ако исхраната е богата со овошје и зеленчук, месо, риба и житарици. Особено е корисно да се јаде брокула, мешунки и да се пие сок од грозје бидејќи е богат со овој минерал.
Експертите веруваат дека дури 80 отсто од луѓето имаат дефицит на магнезиум во телото кој е добар за одржување на имунолошкиот систем и спречување на воспаленија. Исто така, игра клучна улога во балансирање на нервниот систем и ублажување на тегобите во коските.
Намирници богати со магнезиум се темнозелениот лисест зеленчук, јаткастите плодови, семињата, рибата, грашокот, житариците, авокадото, јогуртот, бананите и темната чоколада.
Неописливата желба за солена храна, грицки и слично, покажува дека на организмот му недостига натриум кој е многу важен во одржување на водата во телото, а со тоа и во регулирање на крвниот притисок. Но, наместо ќеса чипс, посегнете по целер, морков или риба со сол.
Под сложени јаглехидрати спаѓаат тестенини, ориз, леб, житарици, компир, грашак итн., кои содржат триптофан – есенцијална аминокиселина која помага во регулирање на производството на серотонин, познат како хормон на среќа.
Недостатокот на триптофан во телото води кон лошо расположение и тегоби. Експертите советуваат дека наместо да посегнете по, на пример, пржени компири или некое пециво, треба да изедете мисиркино месо, јајца, банани или ореви.
Недостатокот на црвено месо во исхраната може да доведе до намалено железо во крвта кое е одговорно за транспорт на кислородот низ телото и има голема улога во поддршката на имунолошкиот систем. Кога патат од дефицит на железо, луѓето чувствуваат умор и не им помага ни доволното количество на сон.
Експертите наведуваат дека црвеното месо би требало да се најде на вашето мени барем еднаш неделно. Но, железото се наоѓа и во житариците, сардините, брокулата, спанаќот и грашокот.
Изненадната желба за, на пример, грицкање кисели краставички укажува дека на организмот му недостасува желудочна киселина, а тоа може да предизвика дигестивни проблеми, алергии и чувство на нелагодност во стомакот. Имено, желудочната киселина ја разградува храната и ги дезинфицира и стерилизира намирниците кои ги јадеме. Добро е да се пијат пробиотици (добри бактерии) бидејќи тие ја враќаат рамнотежата на цревната микрофлора.