Зинедин Зидан сигурно нема по добро да го памети дуелот со Селта Виго кој се одигра изминатава вечер, од една страна поради тоа што неговиот Реал не победи и покрај тоа што направи пресврт, а од друга поради фактот што имаше и еден комичен инцидент со противнички играч.
Реал Мадрид направи пресврт и поведе со 2:1 пред Санти Мина да израмни и да ги постави конечните 2:2, но покрај тоа што беше возбудливо на теренот, во вториот дел видовме и еден несекојдневен случај крај аут линијата, а по кој Зизу заврши на тревникот на „Бернабеу“.
Залетаниот Аидо се излизга на тревата и буквално го покоси францускиот стручњак, видео кое секако стана предмет за илјадници мемиња на социјалните мрежи.
