Четиристотини и педесет лекари од кинеската армија пристигнаа со авион во градот Вухан, каде почна ширењето на корона вирусот.
Дел од тие лекари имаат искуство во борбата против ебола.
Кинеските власти претходно објавија дека ги прошируваат мерките за спречување на ширењето на новиот вирус. Воведени се национални мерки за откривање на новиот вирус во возови, автобуси и авиони за да се спречи ширењето, а ќе има прегледи на лице место и сите патници со симптоми на пневмонија веднаш ќе бидат префрлени во медицински центри.
На 13-те градови веќе ставени во карантин во покраината, додадени се уште пет.
Бројот на починати од новиот коронавирус се зголеми на 41 лице.
