Организаторите на Дакар релито потврдија дека холандскиот мотоциклист Едвин Стравер починал од сериозните повреди кои ги доби при падот на претпоследната етапа од релито на изддржливост во Саудиска Арабија, станувајќи втората жртва на трката по Португалецот Пауло Гонсалвес.
48-годишниот Стравер паднал по 124 километри од 11-тата етапа на трката на 16 јануари, по што веднаш со хеликоптер бил однесен во клиниката во саудиската престолнина Ријад. Кога пристигнале медицинските лица до местото на несреќата, им биле потребни десетина минути да му го вратат пулсот, по што прегледите покажале дека тој го има скршено вратот, по што починал денеска наутро, осум дена по несреќата.
Motorcyclist Edwin Straver, who was severely injured in a fall during the 11th stage of Dakar 2020, has passed away.
— DAKAR RALLY (@dakar) January 24, 2020
Everyone associated with the Dakar expresses their sincere condolences to Edwin's family and friends.
➕info: https://t.co/shkg3xRLXv#Dakar2020 pic.twitter.com/jE4dwNOMQW
Во повеќе од 40 години од Дакар релито има бројни жртви посебно во категоријата на мотоцикли. Гонсалвес загина директно по падот во неделата.
