Емотивни моменти од Мелбурн: Крајот на големата кариера ги расплака Новак, Рафа, Роџер...

Оваа тенисерка од Данска беше поразена од Онс Жабер со 7:5, 3:6, 7:5 во шестнаесеттото финале на Австралијан опен и тоа значело крај за неа затоа што уште од претходно најавувала дека овој турнир ќе ѝ биде последниот.

Судбоносниот момент се случил во последниот гем од натрпеварот кога Каролина, која сервираше на 15:30 го прекина поенот и побара челинџ. Беше неуспешен, Жабер дошла до две меч топки и не многу долго потоа дојде крајот на кариерата на славната Каролина.

„Мислам дека беше очекувано последниот натпревар во кариерата да го одиграм во три сета и да го завршам со форхенд грешка. Тоа е тоа што ме следеше низ целата кариера, така мораше да биде. Беше прекрасно и ова беше едно од најубавите искуства. Среќна сум, но и подготвена за ново поглавје“ - рекла Каролин.

Самото простување било многу емоционално. Каролин стоела во центарот на теренот го гледала емотивното видео со пораки од останатите играчи меѓу кои биле и Новак Ѓоковиќ, Роџер Федерер, Рафаел Надал, Серена Вилијамс...

„Не знам како да ти кажам збогум. Знам дека тој момент се приближува. Се познаваме предолго, а живеевме во ист град неколку години. Те гледав како тренираш на улица и се дружиш со своите кучиња. Мислам дека станавме вистински пијатели. Ти си неверојатна личност, а твојот допринос во тенисот како игра е многу позитивен и дефинитивно ќе ни недостасува. Сакам ти и твојот сопруг Дејвид да имате прекрасен заеднички живот“ - ѝ порачал Новак во видео пораката.

Последниот натпревар во кариерата на Каролин во живо го следел и нејзиното семејство, а таткото и тренер Пјотр ја прескокнал оградата, влегол на терен и ја подигнал високо во воздух.

Потоа ѝ се придружиле и сопругот Дејвид, мајката Ана и братот Патрик кои исто така почале да плачат.