Џесика Симпсон: „Сексуално ме злоставуваше ќерката на куќни пријатели“

Точка

24/01/2020

08:33

3.494

Големина на фонт

а а а

Актерката и пејачка најавила дека во нејзината автобиографија ќе се најде искуството поради кое со години се опивала и консумирала таблети.

Џесика Симпсон (39) првпат проговорела за сексуалното злоставување кое го доживеала во детството, а спомнала и депресија низ која поминувала како и проблем со алкохол и таблети.

Актерката пред нејзината автобиографија да ја претстави во јавноста, со наслов „Open Book“, почувствувала дека токму сега е вистинскиот момент јавноста да дознае некои непознати детали за неа.


„Се давев во таблети и алкохол“ - напишала Џесика.

„Да се откажам од алкохолот беше лесно. Бев бесна на него и фактот дека тоа шише ми овозможуваше да се чувствувам празна и бесчувствителна, но како што времето поминуваше сè повеќе работев на себе. И токму таа работа ми дозволи повторно да ги почувствувам траумите кои одамна ги потиснував“.

„Злоставувањето почна кога имав шест години. Го делев креветот со ќерката на нашите куќни пријатели. Сè почна така што ме чешкаше по грбот, а потоа ќе се случеше нешто што беше многу непријатно. Сакав да им кажам на родителите. Бев жртва, но се чувствував и виновно“ - напишала актерката.


Неколку години подоцна Џесика со своите родители заминала на патување. Во еден момент мајка ѝ го удрила татко ѝ по рамото и викнала: „Ти кажав дека нешто се случило“.

„Тато само продолжи да гледа во улицата и ништо не рече. Никогаш повеќе не отидовме кај таткото и мајката на мојата пријателка. Исто така никогаш повеќе со родителите не разговарав за тоа“ - признала Симпсон, инаку мајка на три деца. 



Спонзорирани линкови

Маркетинг