Денеска околу пладне во Трговскиот центар на Кочани се самозапали 40-годишен маж и ги шокираше своите сограѓани.
Очевидци сведочат дека мажот најпрвин се полеал со бензин, по што извадил запалка и се самозапалил.
Случајните минувачи веднаш истрчале да му помогнат, а на помош биле донесени и противпожарни апарати од локалите во близина. Веднаш биле повикани и итните служби - на лице место пристигнала пожарникарска екипа, како и екипа на итна медицинска помош.
Лицето било итно пренесено во болница, а како што соопштија од кочанската болница, повредениот се здобил со тешки изгореници на целото тело, поради што итно бил пренесен на клиниките во Скопје.
