Кошаркарите на Лос Анџелес Лејкерс славеа во пресметката со Хјустон Рокетс во дербито на вечерва во НБА лигата.
Иако не можеа да сметаат на Ентони Дејвис и Ражон Рондо, „езерџиите“ го решија ривалот од Западот со 124-115. Клучната разлика составот од Лос Анџелес ја направи во третиот период кој го реализираше со 32-17 со што ја презема контролата и не ја испушти предноста во завршниот период.
Одличен беше Леброн Џејмс со 31 поен, 5 скокови, 12 асистенции и 2 украдени топки, а за ова свое издание беше награден од навивачите со скандирање на „МВП“ во „Тојота Центарот“.
Харден и Вестбрук залудно на спротивната страна искомбинираа 69 кошеви.
„Езерџиите“ со учинок 34-8 се на првото место на Западот, додека пак Хјустон за кого ова беше трет пораз во низа е на шестата позиција.
Останати резултати:
Јута-Сакраменто 123-101
Оклахома-Портланд 119-106
Голден Стејт-Орландо 109-95
Минесота-Торонто 112-122
Њујорк Никс-Филаделфија 87-90
Чикаго-Кливленд 118-116
Атланта-Детроит 103-136
Бостон-Феникс 119-123
Бруклин-Милвоки 97-117
Њу Орлеанс-ЛА Клиперс 130-133