Голема дипломатска бура настана откако неодамна иранските власти го уапсија британскиот амбасадор, а набрзо потоа го пуштија на слобода.
Истакнатиот ирански имам, ајатолах Ахмад Алмолход изјави денес дека најдоброто нешто што би можело да му се случи на британскиот амбасадор во Иран е да биде протеран од земјата.
Тој вели дека во спротивно, лојалните поддржувачи на убиениот ирански генерал Касим Сулејмани би можеле амбасадорот да го исечат на парчиња, пренесува сајтот „Еслахат“.
Британскиот амбасадор во Иран, Роб Мекер неодамна беше накратко задржан во притвор, а британските власти таквата постапка на властите од Техеран ја нарекоа „кршење на дипломатските конвенции“, пренесува британската новинска агенција „Ројтерс“.
Мекер според извештаите на агенцијата „Тансим“ бил приведен во саботата пред Универзитетот Амир Кабир и бил задржан во притвор неколку часа поради, како што е наведено, поттикнување на антивладини протести.
#British ambassador to #Tehran has been detained for organizing suspicious movements and protests in front of Amir Kabir University but released after hours and will be summoned by foreign ministry tomorrow morning pic.twitter.com/lWfPasQsIH
— Tasnim News Agency (@Tasnimnews_EN) January 11, 2020
Амбасадорот пак изјави дека тој само присуствувал на бдеењето за жртвите кои настрадаа во авионската несреќа кај Техеран.