Празниците траат само неколку дена и уживањето во истите треба да е целосно. Па и да сте накачиле некој килограм, ништо страшно! Сега имате уште цела година за да се храните здраво и да спортувате. Низ следните неколку чекори, ќе ви помогнеме да си направите план за враќање во топ форма.

1. Поставете си резолуции на неделно ниво

Експертите велат дека доколку си поставите задачи и цели кои треба да ги остварите за пократок временски период, веројатноста за исполнување на истите е многу голема. Додека пак, кај оние цели кои си ги поставуваме на долгорочен план, имаме повеќе време за да ескивираме и да го одложуваме нивното остварување.

2. Јадете почесто, помали оброци

Јадењето помали оброци, на помало временско растојание е докажано како многу ефикасно за забрзување на метаболизмот. На тој начин, доколку сте накачиле неколку килограми, многу полесно ќе се ослободите од истите.

3. Грицкајте паметно

Доколку за време на празниците грицкавте се што ќе ви дојде при рака, сега потрудете се да одберете попаметно. Наместо чипсовите и колачињата, одберете попаметна замена за тие ужинки - протеински барчиња или протеински чипс.

4. Намалете со алкохолот

Не забораајте дека алкохолот е извор на калории. Една лименка пиво содржи 150 калории, една чаша вино 85 калории, додека пак маргарита и други коктели, содржат многу повеќе.

5. Подалеку од газираните пијалоци и соковите

И газираните пијалоци се извор на многу празни калории. Тие, како и негазираните сокови изобилуваат со рафинирани шеќери. Дури и со цедениот сок од свежо овошје треба да се внимава. Најдобро е да јадете цели овошки, во својата цврста форма.

6. Покачете го нивото на протеин

Истражувањата докажале дека протеинот го пролонгира чувството на ситост многу повеќе од јаглехидратите и мастите. Исто така, протеинската храна најдобро ги потхранува мускулите, а и одржува баланс во функционирањето на органите, за разлика на пример од шеќерите кои предизвикуваат поголеми осцилации кај функциите на органите.

7. Паметно одберете ги заменските оброци

Модерната технологија која секојдневно се имплементира во производството на храна, денес ни нуди заменски продукти за речиси сите видови на храна, вклучувајќи ги и оние кои „не се здрави“. Доколку ви се јаде чоколадо, побарајте здрава алтернатива на чоколадо со избалансиран состав. Или доколку ви се јаде чипс или некои други солени грицки, подобро е да одберете продукт кој од една страна претставува чипс, а од друга неговите хранливи вредности се многу подобри од оние кои ги наоѓаме во секој маркет.

8. Одредете ја порцијата која ќе ја јадете пред да почнете со јадењето 

Одредувањето на количината на храна која ќе ја внесете, пред да почнете да јадете, ќе ви помогне да не се прејадувате. Исто така, сервирањето на храната во помали чинии ќе ви овозможи да не претерате со храната. Истражувањата покажуваат дека човекот почесто јаде онолку храна колку што гледа, отколку количина на храна која му е потребна на телото.

9. Пијте вода

Пиењето вода ќе ви направи подолготрајно чувство на ситост и ќе го хидрира вашиот организам.

10. Зголемете ја вашата физичка активност

Факт е дека физичката активност го олеснува и подобрува живеењето од секој аспект. Колку сте физички поактивни, толку поголема услуга си правите и на вашето физичко, но и на вашето психичко здравје.