Во текот на работењето, колку и да сме уморни, важно е да ја задржиме концентрацијата.
Но, сепак некогаш се случува таа да попушти и тогаш можеме да се најдеме во незгодна ситуација, особено доколку настанала грешка поради тоа. А доколку таа грешка стане предмет на шега, обично нѝ доаѓа да се сокриеме во “глувчја дупка”. Веројатно така се чувствувал и работникот во еден маркет во Србија.
Неколку пермутирани букви и набрзина испечатеното известување кое е поставено под храната за кучиња и мачки станало вистински хит на социјалните мрежи. Имено, наместо на листот да пишува “Pedigre”, се нашло нешто многу поинтересно – “Predigre” (Предигри).
Овој лапсус за кој се наведува дека е фотографиран некаде во Србија, не останал незабележан од острото око на набљудувачот и набрзо завршил на социјалните мрежи.
Во морето коментари сепак се издвоил еден, во кој една корисничка на Фејсбук напишала дека тој што го напишал соопштението веројатно сè уште бил под импресии од минатата вечер.
