Руското Министерство за надворешни работи соопштило денес дека американскиот државјанин Пол Велан, кој се наоѓа во притвор во Русија поради сомнение дека шпионирал, им се заканувал на вработените во руската Сојузна затворска служба.
"Адвокатите на Велан очигледно не му помагаат. Тие не знаат ништо за својот клиент. Им кажавме на адвокатите каде би можел Велан да буши. Најден е уред сличен на оној кој се користи за правење на дупки на документи", навело Министерството и објавило фотографија од машина за правење дупки на документите за нивно полесно поврзување, пренесува Tass.
Како што се наведува, Велан таа машина планирал да ја користи за други цели.
The @MFA_Russia alleges #PaulWhelan threatened a guard with...🤣... a drill *press*
— David Whelan (@davidpwhelan) December 11, 2019
"If you ever put your head under that drill bit, why I oughta..."
The FSB is giving the MFA chickenfeed to parrot to media and MFA's all 'welp?'🤷♀️ pic.twitter.com/82UUx4BdGf
"Ги предупредуваме оние кои го бранат, дека би требало повеќе да научат за својот клиент и можеби да го советуваат како да се однесува. Попатно, што мислите што би направиле тие ако затвореник се заканува дека со машина ќе направи дупки во главите на инспекторите во американски затвор", навело Министерството.
Рускиот шеф на дипломатија Сергеј Лавров изјавил по состанокот со американскиот државен секретар Мајк Помпео во Вашингтон дека Велан се однесува безобразно и им се заканува на затворските власти.
"Тој вели дека ќе ги избуши нивните глави и дава други арогантни изјави", рекол Лавров.
Day 338: #PaulWhelan accused of having power tools in prison by @mfa_russia @MID_RF! I mean, Lefortovo prison is a fixer-upper, but I assumed poor translation. It wasn't, so I'm glad Paul's lawyer @Jerebenkov asked my Q: what prisoner has a drill? https://t.co/TCQwkZLaPU
— David Whelan (@davidpwhelan) December 11, 2019
Московската јавна надзорна комисија објавила на Твитер дека затворските службеници не ги кршат правата на Велан и дека навреме добива затворска нега. Како што е наведено, членовите на комисијата го посетиле Велан во затвор неколку пати и ги потврдиле наводите на Лавров.
"И покрај лошото расположение на Велан и обидите да го прекрши кодексот на однесување, неговите права како и медицинската помош не му се ускратени", напишала Комисијата.
Адвокатот на Велан, Владимир Жеребенков, рекол дека дошло до недоразбирање меѓу неговиот клиент и затворските чувари поради јазичната бариера. Тој рекол дека Велан се однесува примерно и дека не се заканува, како и дека се сомнева дека неговиот клиент би можел да добие машина додека е во притвор.
Велан, кој освен американско има и британско, канадско и ирско државјанство, е шеф на обезбедувањето во компанијата Борг Ворнер, која се занимава со автомобилски компоненти.
Велан е уапсен на 28-ми декември 2018-та година во Москва поради наводно шпионирање, а против него е започната кривична истрага и му се заканува затворска казна од 10 до 20 години.
