Дали би дале 84 илјади долари за една обична флопи-дискета?
Дискетата со потпис на еден од основачите на компанијата Епл, Стив Џобс, била понудена на онлајн аукција која ја организирала аукциската куќа “RR Auctions”. Пред аукцијата била проценета на 7.500 долари.
Меѓутоа, понудите набрзо започнале да растат. Заинтересираните купувачи нуделе сè повисоки суми, сè додека еден неименуван наддавач не понудил 84.115 долари.
Steve Jobs signed floppy disk that houses #Macintosh System tools from 1988 sells for $84,000 at auction
— Hans Solo (@thandojo) December 10, 2019
Steve Job signed 1988 floppy disk was auctioned off and sold for $84,000
The estimated value of the disk was just $7,500 - less than 10% of the sale price pic.twitter.com/gTJHyGcSE7
На дискетата се наоѓа системски софтвер за “Macintosh” од 1988 година (Macintosh System Tools 6.0). Сепак, за високата цена најголем “виновник” е потписот на Џобс на неа, со оглед на фактот дека многу ретко давал автограми во текот на својот живот.
Ова инаку не е првпат автограм на таткото на Епл да достигне толкава цена – постер од долгометражниот филм “Toy Story” со негов потпис бил продаден на аукција во септември, за 30.000 долари, додека неговата молба за работа од 1973 година е продадена за дури 174.000 долари.
