Популарната пејачка почина, а веста за нејзината смрт брзо се прошири по светските медиуми.
Шведската пејачка Мари Фредриксон од поп групата “Roxette“ почина на 62 годишна возраст, пренесуваат од Би-би-си.
Мари долго време се борела со тумор на мозокот, изјавил нејзиниот менаџер. Во соопштението стои дека починала во понеделникот 9-ти декември по 17-годишна борба со ракот.
Time goes by so quickly. It’s not that long ago we spent days+nights in my tiny apartment sharing impossible dreams. And what a dream we eventually got to share! I’m honoured to have met your talent+generosity. All my love goes to you+your family. Things will never be the same. pic.twitter.com/CTegAUGrXG
— Per Gessle (@PartyPleaser) December 10, 2019
Пејачката во 2002-та година дознала дека има тумор на мозокот откако се онесвестила во домот. Докторите ѝ дале 20 отсто шанси дека ќе закрепне, но по долга и агресивна терапија туморот се повлекол.
Покрај неа цело време бил нејзиниот сопруг Мајкл Болјос и двете деца, 26-годишната ќерка Инес Џозефин и 23-годишниот син Оскар.
„Беше најдобрата пријателка во последните 40 години. Ништо повеќе нема да биде исто“ - изјавил Пер Гесли од “Roxette“.