Детали од драмата со киднапираниот Македонец во Тирана: Со пиштол на глава ми бараа 250.000 евра

Точка

08/12/2019

14:24

7.446

Големина на фонт

а а а

Сведочењето на 23-годишнот Македонец, киднапиран во Тирана од три лица, кои под закана со оружје му барале 250.000 евра, го пренесува албанската агенција Балкан веб.

Давор В. во полиција изјавил дека бил присилен од Сокол М. (42) и Алберт Џ. (41) и двајцата жители на Тирана, да влезе во автомобилот попладнето на 6-ти декември. Во главата му впериле пиштол барајќи 250.000 евра, а потоа насилно го втурнале во возилото, пренесува агенцијата.

Полициски извори потврдиле дека добиле дојава дека вооружени лица кружеле со возилото БМВ и присилно внеле маж во возилото.

Веднаш биле ангажирани припадниците на специјалната полициска едница „Шќипоња“. На предупредвањето да го запре возилото, возачот ја зголемил брзната, но подоцна било пресретнато во близина на седиштето на Архиепископијата во Тирана.

Приведените ги отфрлиле обвиненијата дека станува збор за киднапирање, велејќи дека извршиле притисок врз македоскиот државјанин да им врати долг.

Но, целото сценарио за киднапирањето е расветлено од страна на полицијата кога Давор В. го спомнал Суби Е. (50) од Струга кој играл улога на посредник меѓу двајцата киднапери и семејството на Давор за добивање на парите, наведува агенцијата Балкан веб.

На двајцата албански државјани веќе им е одредена мерка притвор, додека стружанецот ќе се брани од слобода под обвинение „непријавување на кривично дело“.



Спонзорирани линкови

Маркетинг