Кармело Ентони веднаш го имаше деби настапот во дресот на Портланд Трејлблејзерс откако го започна натпреварот против Њу Орлеанс од првата минута.
Неговиот тим забележа пораз од 115:104, а Кармело воопшто не импресионираше во својот прв настап по една година пауза.
Десеткратниот учесник на Ол-Стар натпреварите за 24 минути запиша десет поени, но она што е полошо е фактот што промаши дури 10 од своите 14 удари, згора на тоа имаше и пет изгубени топки и пет фаули.
Џру Холидеј беше најпрецизен во таборот на Њу Орлеанс Пеликанс со 22 поени и десет асистенции.
Лос Анџелес Лејкерс предводен од Ентони Дејвис и Леброн Џејмс продолжи да гази, па запиша нова победа, овој пат против Оклахома со 112:107. Дејвис натпреварот го заврши со 34 поени, додека Леброн повторно запиша трипл-дабл учинок со 25 поени 11 скокови и 10 асистенции.
Резултати:
Голден Стејт- Мемфис 114:95
Сакраменто- Феникс 120:116
