Централниот плоштад Свети Марко во Венеција е поплавен и затворен за туристите додека пак водата повторно ги поплави продавниците и хотелите во овој италијански град.
Локалните власти соопштија дека плимата достигнала 154 центиметри, нешто под очекувањата, но и понатаму 70 отсто од градот е под вода.
„Уште еден ден тревога во Венеција. Југот продолжува да дува. Ги повикувам сите... Да бидат подготвени на нивото на водата“ - напишал градоначалникот Луиџи Бруњаро на својот Твитер профил.
Бруњаро ги обвинил климатските промени за поплавување на градот, историската базилика, трговските центри и зградите кои се стари повеќе векови.
Нивото на водата ќе се намали во текот на викендов на 110-120 центиметри, сооптшил Метеоролошкиот завод од Венеција.
Италијанската влада прогласила вонредна состојба во Венеција и ги доделиле почетните 20 милиони евра за санирање на штетите.