Nike го претстави новиот модел на Air Force 1 во соработка со Тревис Скот

Додека неговите претходни модели на патики воглавно се фокусираа на Хјустон, овој нов модел на Air Force 1 потсетува на “неговото растење во селската куќа на неговата баба во Мисури Сити”. Симболите на овој град се наоѓаат на петите, додека патиките во целост се изработени од материјали од кои била направена работната облека која Скот ја носел. 

Платно, антилоп, кожа и фланел се материјалите кои биле користени за креирање на овие патики, а исто така доаѓаат со прекривка за врвките која се прикачува за патиката со помош на голем метален патент.

Travis Scott Nike Air Force 1 ќе бидат пуштени во продажба на 16-ти ноември, а цената на еден пар ќе изнесува 160 долари.