Вие користите Фејсбук, а вашиот iPhone снима!: Нов удар врз приватноста на корисниците
Кога станува збор за Фејсбук речиси и да нема ден, а да не се открие некој нов проблем со приватноста. Овојпат на ред дојдоа корисниците на апликациите за iOS оперативниот систем.
Веќе неколку денови корисниците на iPhone пријавуваат нови проблеми со Фејсбук апликацијата која ја вклучува камерата на телефонот без нивно одобрување.
Оваа тема станала вирална на социјалните мрежи откако корисникот Џошуа Медокс објавил постоење на баг на Твитер и го документирал во видео снимка.
Found a @facebook #security & #privacy issue. When the app is open it actively uses the camera. I found a bug in the app that lets you see the camera open behind your feed. Note that I had the camera pointed at the carpet. pic.twitter.com/B8b9oE1nbl
— Joshua Maddux (@JoshuaMaddux) November 10, 2019
Багот ја активира камерата кога корисникот од Фејсбук апликацијата отвора фотографии или видео преку целиот екран.
По затворањето на видеото или фотографијата, Фејсбук интерфејс исчезнува од екранот додека пак на него останува приказот од камерата.
Грешката се појавила во последната верзија на Фејсбук апликацијата (246), инсталирана на последната верзија на iOS (13.2.2) на iPhone 6S. Истиот баг подоцна бил забележан на повеќе верзии на iPhone.
a bug in Facebook for iPhone forces open your camera after you click on a photo or video in the app if you’re on the latest version of iOS 13. nice. pic.twitter.com/9SD4T8zRCv
— Matt Binder (@MattBinder) November 12, 2019
Очигледно дека багот не се појавува кај постарите верзии односно на 12-та верзија на оперативниот систем. Сајтот “TheNexWeb“ наведува дека грешката не се појавува ниту кај iOS 13.1.
На корисниците им останува прашањето: “Дали багот ја актвира камерата веднаш по отворањето на апликацијата Фејсбук, па таа е вклучена цело време додека ја користите апликацијата или пак камерата се вклучува кога “преминувате“ помеѓу два различни прикази на екранот?“.
