Поради високото ниво на загадување на воздухот во Техеран, иранската Влада донесе одлука да ги затвори сите основни училишта во престолнината, каде живеат 10 милиони луѓе.
Техеран е обвиен во облак од густ смог, како резултат на фреквентниот сообраќај и загадувањето од фабриките. Целата состојба е влошена затоа што веќе неколку дена нема ниту ветер, ниту дожд, пренесува агенцијата АП.
Техеран е еден од најзагадените градови во светот во поглед на воздухот.
Здравствените експерти предупредуваат дека многу Иранци имаат сериозни здравствени проблеми поради загадувањето.
