Кога и да се најдете во Италија, запознавањето со локалната гастрономија е нешто што не смее да се пропушти. "New York Times" а прогласил покраината Умбрија за "најдобро чувана тајна на италијанската кујна", а многумина веруваат дека тајната се крие во нешто поразличните шпагети, тартуфи и овчото сирење.
Освен славните италијански тестенини, не смее да не се проба ни чоколадото кое се произведува тука. Во Перуџа се наоѓаат двете најдобри фабрики за чоколадо во Италија.
Искористете ја можноста да го пробате чоколадото "Baci Perugina" - "Бакнежи од Перуџа", кои ја прославиле Умбрија ширум светот. Доколку во Перуџа најдете време за Фестивалот на чоколадото кој трае од 18-ти до 27-ми октомври, препуштете се на фестивалската атмосфера.
Додека вашите чувства уживаат, искористете ја можноста и посетете некои од знаменитостите на градот.
Овој плоштад е преплавен со млади во текот на училишната година, бидејќи ова е местото на кое сите се состануваат, за да уживаат и да продолжат понатаму во "студентскиот живот". На ова место се наоѓаат некои од најважните знаменитости на градот.
Фонтаната Маџоре, голема средновековна фонтана изградена меѓу 1278-ма година, е украсена со скулптури кои претставуваат пророци, свеќи, хороскопски знаци, прикази од римската историја.
Од една страна на фонтаната се наоѓа Катедралата Свети Лоренцо, изградена од 1345-та до 1490-та година во готски стил, а од другата страна е Палата деи Приори од 14-ти век, во која се наоѓа собранието на градот Националната галерија.
По посетата на плоштадот, треба да се прошетате по "главната улица" на Перуџа. Корзо Ванучи на посетителите им нуди многу кафулиња, барови, улични изведувачи и води директно до паркот Џардино Кардучи.
Доколку во Перуџа се најдете пред ноќта, не пропуштајте во паркот Џардино Кардучи да уживате во залезот на Сонцето, додека пред вас се простира градот.
Веднаш под паркот се наоѓа "Подземјето на Перуџа", Рока Паолина, сочинето од мрежа од улици од тврдината од 16-тиот век изградени од страна на Папата Павле Трети. Тврдината е урната како знак на пад на црквата, а денес таму може да се пронајдат галерии, изложбени простори, музеи, пишува "The World Was Here First".
Некогаш градот бил окружен со ѕидини кои ги контролирале Етрурците, а денес се останати само неколку докази за тоа.
