Во Ватикан, по сè изгледа не се задоволни од тоа колку младите во денешно време посветуваат внимание на црквата и верата, па затоа одлучиле да им понудат “молитвен геџет” во согласност со современите трендови.
Уредот наречен “Click To Pray eRosary” претставува електронска бројаница која може да се носи и како нараквица и која се активира кога корисникот ќе направи движење во облик на крст.
Самата нараквица е изработена од 10 перли од црн ахат и хематит, а на неа се наоѓа “паметен” крст во кој се складираат податоци, пишува “Engadget”.
Кога ќе ја активира, корисникот може да избере еден од трите типа на молитви: стандардна, контемплативна или тематска, која секоја година ќе се менува со годишно ажурирање.
Овој уникатен “молитвен геџет” го следи својот корисник во молитвата, го бележи бројот на молитвите и води статистика. Исто така, уредот собира и информации за здравствената состојба на корисникот, а сета религиска содржина ја персонализира по пат на апликација.
“Ваквиот проект го спојува најдоброто од црковната духовна традиција и технолошкиот свет”, се наведува во соопштението.
The Vatican has announced the launch of the "Click to Pray eRosary."
— CNN (@CNN) October 17, 2019
Users activate it by making the sign of the cross, and then can choose between three options to pray. The $110 device keeps track of progress through prayers. https://t.co/XzB0PsEni6
Инаку, бројаницата е водоотпорна, а може да се користи и на Android и на iOS оперативните системи. Нејзината цена изнесува 99 евра, односно 110 долари.
The bluetooth and water-resistant digital rosary is a product of “Click to Pray”, an initiative of #PopeFrancis' Worldwide Prayer Network. https://t.co/8RPLFnM0ZU #Catholic pic.twitter.com/eDQd2ifjpZ
— Catholic News Agency (@cnalive) October 16, 2019