Рајан Рејнолдс ја објави првата фотографија со Блејк и новороденото бебе
Актерот Рајан Рејнолдс ја објави првата фотографија со новороденото бебе на Твитер.
Со тоа, Рајан го прекина медиумскиот молк кој тој и неговата сопруга Блејк Лајвли го практикуваа од раѓањето на бебето, но Рејнолдс сепак не открил повеќе информации за новиот член на семејството. На фотографијата, Рајан и Блејк позираат во шума во Британска Колумбија, а неговата објава е посветена на климатските промени.
I love B.C. 🇨🇦 I want my daughters to experience the same natural playground I grew up in. On Oct. 21, the candidate you vote for will SHAPE CLIMATE POLICY. I’m proud of the climate progress made the last 4 years. Click https://t.co/gJ8wvRwD2y for voting info. #Capilano pic.twitter.com/a3itOeIqQx
— Ryan Reynolds (@VancityReynolds) October 17, 2019
“Ја сакам Британска Колумбија. Би сакал моите ќерки да пораснат на истото игралиште во природа како и јас. Кандидатот кој ќе го одберете сега ќе ја води политиката за климатските промени во наредните четири години. Горд сум на климатскиот напредок, направен во минатите четири години”, напишал актерот и со тоа открил дека Блејк пред два месеци родила девојче.
На фотографијата, лицето на бебето е прекриено.
