Денеска во Брисел во голема мера беше подготвен привремен технички договор за брегзит и се чекаше сеопшта поддршка, изјави неименуван претставник на Европската Унија.
Тој додаде дека се договорени еднакви услови и царини, како и согласност од Парламентот на Северна Ирска на секои четири години.
Но, како што рече, за сето тоа да се придвижи потребна е согласност од британската Влада.
Претходно, портпаролот на британскиот премиер изјави дека Борис Џонсон пред министрите рекол дека постои можност за постигнување согласност за нов договор за брегзит, но оти сè уште не е постигнат.
