Квалификацискиот натпревар меѓу Бугарија и Англија заврши со висока победа на гостите, но медиумите наместо на резултатот, се фокусираа на скандалозното однесување на дел од домашните фанови.
Средбата неколку пати беше прекинувана поради расистички навреди упатени од публиката, a снимките јасно откриваат дека истите биле придружувани и со контроверзниот фашистички поздрав упатен кон актерите на теренот.
Англиската фудбалска асоцијација излезе со соопштение во кое ги осуди случувањата во Софија, а речиси сите познати фудбалски имиња преку социјалните мрежи побараа строга казна поради овие испади.
Инаку, стадионот во Софија беше делумно празен токму како казна за расистички навреди упатувани на дуелите со Косово и Чешка, но очигледно УЕФА ќе мора да биде уште поригорозна.
Utterly gross. Bulgaria fans doing Nazi salutes during game against England, a match blighted by vile racism #BULENG https://t.co/nfmU9ti9FD pic.twitter.com/W5lUOnFs6A
— Joseph Willits (@josephwillits) October 14, 2019