Претседателот на Русија, Владимир Путин, свечено бил дочекан во Ријад на државна посета на Саудиска Арабија, а на кралот Салман бин Абдулазиз за подарок му донел сокол од Камчатка.
Меѓутоа, на социјалните мрежи вистински хит станал начинот на кој саудискиот воен оркестар ја отсвирил руската химна.
Имено, на една од снимките, поради полесна споредба, било пуштено како руската химна требало да звучи, а потоа под ознака "Saudi Remix" било пуштено како е отсвирена. Јасно е веќе кај првите тактови дека двете верзии немаат многу врска една со друга.
Меѓу бројните коментари, можело да се прочита и "Па, барем се обиделе", како и "Можеле малку повеќе да вежбаат".
Well, they tried...
— RT (@RT_com) October 14, 2019
During his visit to Saudi Arabia, Putin was greeted by a very familiar tune. Though judging by his facial expressions, he couldn’t quite remember where he had heard it before.
Check out the Russian anthem ‘Saudi remix’ as compared to the original version pic.twitter.com/avznlbh25W
Еден од коментаторите меѓутоа повикал на тоа да се обрати внимание на тоа како реагирал Путин. Иако стоел мирно и не сакал да покаже непријатност, неговиот израз на лицето бил инспирација за други коментатори како:
"Која е оваа мелодија, нешто ми е позната...", и "Се обидоа, ама, како Русите, се бореа до самиот крај".
