Пристигнуваат првите снимки од северозападот на Сирија каде што започна инвазијата на турската армија.
Турскиот претседател Реџеп Таип Ердоган во текот на денешниот ден соопшти дека започнува турската воена операција на северот на Сирија, по што веднаш започнаа гранатирањата на курдсите сили и цивилно население.
„Турските вооружени сили, заедно со Сириската национална армија штотуку ја започнаа операцијата „Извор на мирот“ против "PKK/YPG" и ИСИС на северот на Сирија. Нашата мисија е да спречиме создавање на терористички коридор во близина на нашата јужна граница и да донесеме мир на овој простор“, порача турскиот претседател Реџеп Таип Ердоган.
Сепак, реалноста денес во Сирија е сосема поразлична - како што пренесува „СиЕнЕн“, на северот на Сирија моментално настанал сообраќаен колапс затоа што сите патишта се блокирани од колони на избезумено цивилно население кое поради турската агресија е приморано да побегне од своите домови.
#BREAKING
— Julian Röpcke🇺🇦 (@JulianRoepcke) October 9, 2019
Thousands of #Kurds start fleeing the Syrian-Turkish border areas.
Video shows endless refugee stream: https://t.co/8zrKX8DP0z#Syria pic.twitter.com/Y8WT3Grdlo
Турција ги бомбардира курдските населби и позициите на курдските "YPG" сили, под изговор дека се бори против тероризмот, а всушност токму "YPG" силите веќе одамна ги поразија џихадистите на Исламската држава и го одбранија населението од ѕверствата на најозлогласената терористичка организација.
„Овој свет го остави нашиот народ пред варварските напади. Каде погрешивме кога за светот се боревме против Исламската држава?“, запрашуваат лидерите на Сириските демократски сили кои што се составени од курдските Пешмерга сили кои беа формирани да го бранат локалното население од џихадистите на ИСИС.
Waves of people in #Syria’s predominantly Kurdish northeastern town of Serekaniye have started to leave their homes as Turkish warplanes began shelling the area on Wednesday. #TwitterKurds
— Kurdistan 24 English (@K24English) October 9, 2019
Read more: https://t.co/IU4uEnmFeH pic.twitter.com/P2eNKTja2b
Како што соопштија од Сириските демократски сили, двајца цивили се убиени во селото Мишарафа, западно од градот Рас ал-Аин кој исто така се нашол на мета на турското воено воздухопловство и артилерија. Исто така, експлозии се слушнале и во градот Тал Абјад.
Во меѓувреме, единици на Сириските демократски сили го гранатираат турскиот град Нусајбин во близина на границата на Сирија. Курдските сили со минофрлачи го нападнаа турскиот град, а засега нема информации за повредени или жртви во нападите.
Истовремено, курдските единици запалиле и неколку нафтени постројки на северот на сириската провинција Хасака.