Телешката чорба се чини дека е највкусна токму во кафеаните. Но, овој рецепт кој можете да го припремите и дома ќе ги засени сите кафеански чорби кои досега сте ги пробале.
- 500 гр. телешко месо од бут или врат
- 1 главица црвен кромид
- 2 моркови, пашканат, магдонос
- 1 корен од целер
- 2 компири
- 1 дл. масло за јадење
- 2 лажички брашно
- 2 дл. кисела павлака
- 1 жолчка
- сол, бибер, ловоров лист
1. Ситно исечкајте го црвениот кромид и пропржете го на масло.
2. Додадете го месото исечкано на коцки (со коските, доколку ги има), додадете вода која ќе го прекрие месото и варете на тивок оган околу 1 час.
3. Потоа додадете го зеленчукот исечкан на коцки, додадете сол, бибер и ловоров лист и налијте околу 2 литри вода.
4. Направете запршка од две лажици брашно, па сè заедно гответе уште половина час.
5. Пред сервирање, во чорбата додадете павлака со изматена жолчка и додадете го ситно исечканиот магдонос.
6. По желба, телешката чорба може да се консумира со малку оцет или лимонов сок.