Кошаркарот на Баерн од Минхен, Нихад Џедовиќ, неверојатно потсетува на фудбалската ѕвезда Златан Ибрахимовиќ, а поради тоа него луѓето често го застануваат на улица и му бараат автограми и да се фотографираат со него мислејќи дека е шведскиот фудбалер.
Поради таа причина тој се согласил да биде дел од еден мал “експеримент“.
Во Америка, каде што Ибрахимовиќ е неверојатно популарен поради настапот за фудбалскиот клуб Ла Галакси, Џедовиќ ја врзал косата и се прошетал по улиците на Мајами.
Интересно, штом излегол на улица веднаш почнале да го опседнуваат навивачите. Атрактивните девојки со него правеле селфи фотографии, неговиот возач му се јавил на син му за да му се пофали “кој го вози“, а подоцна и самиот тој се фотографирал.
"My son is his biggest fan! May I call him?" 😂
— 🇺🇸 FC Bayern US 🇨🇦 (@FCBayernUS) September 17, 2019
@fcb_basketball’s Nihad Đedović took over the streets of Miami as @Ibra_official and the results were as hilarious as you'd expect. 🤣#BayWaFCBBTour#NotZlatan pic.twitter.com/BDLLNy98po
Сепак Џедовиќ наместо на фудбалски терен на крајот завршил на кошаркарски терен каде што заиграл баскет со локалните спортисти. И бидејќи не промашувал на младите момчиња сето тоа им било сомнително. Кошаркарските вештини го издале Џедовиќ кој на крајот и самиот кажал дека не е Ибрахимовиќ.