Поради нападот со дронови на две нафтени постројки во Саудиска Арабија, привремено е прекинато производството на тие две локации, што значи дека е ограничено производството на половина од вкупното производство на националниот нафтен гигант „Арамко“
„Нападот влијаеше на привремена суспензија на локациите Абкаик и Кураис“, изјави саудискиот министер за енергетика, принцот Абдулазиз Бин Салман.
Нападот предизвикал прекин на производството на 5,7 милиони барели сирова нафта, што е околу 50% од вкупното производство на „Арамко“. Како што стои во соопштението, недостатокот на нафта ќе биде надоместуван од залихите и компанијата ќе даде нови информации во следните 48 часа.
Во вчерашниот напад на јеменските Хути бунтовници, беше погодена најголемата светска постројка за преработка на нафта и уште едно големо нафтено поле, предизвикувајќи огромни пожари на ова ранливо место.
#Pompeo blames #Iran for ‘unprecedented attack on the world’s energy supply’ in Saudi Arabia, Senator Graham urges to strike it
— RT (@RT_com) September 15, 2019
READ MORE: https://t.co/uTat3HeLXD
VIDEO: Drone attacks trigger huge fires at Saudi Aramco oil facilities pic.twitter.com/TmSomhUX8L
Саудискиот министер во соопштението додаде дека пожарите се под контрола и дека нема повредени во нападите.
Хути бунтовниците се поддржани од Иран и под своја контрола го имаат главниот град на Јемен и дел од јеменската територија. Арапската коалиција предводена од Саудиска Арабија од 2015-та година се бори против Хутите, притоа бомбардирајќи и училишта полни со деца.