Портпаролот на службата за управување со вонредни ситуации на Бахамите, Карл Смит, денеска рекол дека 2.043-те луѓе кои се евакуирани поради ураганот Доријан се во приватни центри на најнаселениот остров на таа држава, Провиденс, додека многумина се кај роднини и пријатели.
Смит додал дека по потреба ќе бидат отворени уште прифатни центри, пренесува АР.
Директорка на една непрофитна организација, Елутер Садиј Френсис, истакнала дека и понатаму има луѓе кои нема каде да одат.
„Вистинските размери на уништеноста на островите Абако и Гранд Бахами, допрва ќе се видат“, додала таа.
Доријан, кој на Бахамите бил ураган од 5-та категорија, нанел сериозна штета на домовите на двата северни бахамски острови.
