Претседателот на САД, Доналд Трамп објави на социјалните мрежи драматична фотографија на која се гледа како гром удира во претседателскиот авион.
Поради невремето американскиот претседател бил принуден да се откаже од планираната посета на подрачјата кои што беа неодамна погодени од ураганот „Доријан“.
Фотографијата е направена на аеродромот „Марин Корпс“ во Северна Каролина. На фотографијата се гледа познатиот американски претседателски авион "Air Force One" кој е погоден од гром.
Departing MCAS Cherry Point in North Carolina for Fayetteville, North Carolina. This is amazing! pic.twitter.com/JDv5HA126A
— Donald J. Trump (@realDonaldTrump) September 9, 2019
Најпрвин било планирано Трамп со хеликоптер да го посети подрачјето погодено од ураганот „Доријан“, но после овој инцидент се откажал од идејата и во авионот добил извештај за настраданите, повредените и причинетата штета.
Громот удрил во авионот на Трамп непосредно после слетувањето, а фотографијата е направена од местото на кое што новинарите го чекале пристигнувањето на претседателот.