Колумбискиот офанзивец, Хамес Родригез ова лето повторно се врати во Реал Мадрид или поточно кажано се врати од двегодишната позајмица од Баерн Минхен кој одлучи да не ја искористи опцијата и да го откупи неговиот договор.
Често медиумите пишуваа дека за Родригез нема место во Реал, односно дека не е во плановите на тренерот Зинедин Зидан и како наредна дестинација се споменуваше Наполи каде ќе имаше можсност повторно да се спои со Карло Анчелоти. Меѓутоа до договор не дојде и на крајот Хамес остана на „Сантијаго Бернабеу“, па сега неговата желба е да блесне во старо-новата средина.
- Се надевам ова ќе биде моја сезона во Реал, - порачал Родригез за „Ел Чирингито“.
Репрезентативецот на Колумбија во изминатиов период закрепнуваше од повредата, но според последните информации треба да биде фит и во комбинација за дуелот со Леванте што се игра в сабота во Мадрид.
