Американскиот претседател Доналд Трамп имал уште една незаборавна прес-конференција пред Белата куќа.
Во хаосот од неговите нефилтрирани мисли, проследени со буката од претседателскиот хеликоптер кој го чекал, една изјава била посебно надреална.
"Јас сум избраниот", рекол Трамп додека објаснувал зошто води трговска војна против Кина.
"Во текот на последните пет или шест години, Кина заработи 500 милијарди долари. 500 милијарди долари се извлечени од САД. И не само тоа. Погледнете ја кражбата на интелектуалната сопственост. Додадете го тоа и уште многу повеќе. Некој мораше тоа да го направи, а јас сум одбран. Некој тоа мораше да го направи и поради тоа јас ќе се борам против Кина. Ќе се борам против Кина во економијата", рекол Трамп.
Секако, оваа изјава предизвикала бура во јавноста и на социјалните мрежи.
Trump seriously seems to think he was chosen by God pic.twitter.com/1iHsYJzHO6
— Aaron Rupar (@atrupar) August 21, 2019
"Или Трамп се шегува со сите или навистина мисли дека е Господ", е насловот на анализата на CNN.
"Јас сум одбран. Со фалење и навреди, Трамп поставува нов стандард на некохерентност", пишува "Guardian".
TRUMP: "The fake news, of which many of you are members, is trying to convince the public to have a recession. 'Let's have a recession!' ... I am the chosen one. Somebody had to do it. So I'm taking on China." pic.twitter.com/OHmXOzoO7I
— Aaron Rupar (@atrupar) August 21, 2019
Демократскиот активист Скот Дворкин навистина не штедел зборови. "Трамп веројатно погледнал во небото и рекол, јас сум избран. Тоа е потсетник дека тој е сосема луд и неспособен за Кабинетот, на секој начин", напишал на Твитер.
Трамп, исто така, уште еднаш сугерирал дека можеби нема да замине од Белата куќа по два претседателски мандати, што е одредена граница со 22-от амандман од американскиот Устав. Сепак, додека Трмап претходно нагласувал дека се шегува, овој пат не го кажал тоа.
Talking about serving more than two terms suddenly isn't a joking matter for Trump anymore.
— Aaron Rupar (@atrupar) August 21, 2019
"In six years -- or maybe 10 or maybe 14, right? -- in six years, when I'm not here, the New York Times goes out of business very quickly," he says, deadpan. pic.twitter.com/VN6zZUr5S0
"За 6 години, или можеби 10 или 14, зар не - за шест години, кога нема да бидам тука, New York Times ќе банкротира многу брзо", рекол тој, зборувајќи уште еднаш за пристрасните медиуми кои веќе со години шират лажни вести за него.