Најмалку едно лице загина, а осум се повредени во пожар што избувна вчера во болничкиот комплекс во париското предградие, објави „Ројтерс“. Пожарот во болницата „Анри Мондор“ избувнал синоќа и бил локализиран рано утрово.
Причината за пожарот сè уште не е утврдена.
„Пожарот е под контрола благодарение на реакцијата на пожарникарите. Жал ни е што мора да соопштиме дека едно лице загина“, напиша службеник на државната болница во Париз.
