Крилниот напаѓач на Ливерпул, Мохамед Салах во интервју за „СиЕнЕн“ објасни зошто не му се допаѓа ВАР технологијата.
Од оваа сезона во Премиер лигата е воведена ВАР технологијата, а Мохамед Салах беше запрашан какво влијание ќе има оваа технологија во новатат сезона.
„Ќе има повеќе пенали за мене, ќе видите. Не ми се допаѓа, тоа е мојот одговор, секогаш. Не ми се допаѓа. Го обожувам фудбалот таков каков што е“, изјави Мохамед Салах и додаде:
„Што се однесува до мене, јас го прифаќам фудбалот со грешки на судиите, со грешки на играчите. Така фудбалот станува повозбудлив“, изјави Мохамед Салах.