Полицијата соопштила дека 8-годишно дете го возело автомобилот на својата мајка на автопат во западна Германија.
Полиција во Зест наведува дека мајката повикала полиција откако забележала дека синот и "голфот" исчезнале.
Детето било пронајдено на еден паркинг, каде ги вклучило четирите светла и поставило триаголник за опасност. Тој, како што наведува агенцијата, на полицијата и рекол дека застанал, бидејќи му било непријатно на автопатот кога достигнал брзина од 140 километри на час.
Мајката изјавила дека детето редовно вози картинг, а дека претходно вежбало да вози автомобил на приватен имот.
