Џејдон Санчо за краток период стана голема ѕвезда и миленик на фановите на Борусија Дортмунд, а англискиот фудбалер барем засега не прифатил продолжување на договорот со бундеслигашот.
Сепак, клубот на своја иницијатива решил да направи повеќе од позитивен гест и двојно му ја зголемил годишната плата на Санчо, па тој наместо 3 ќе заработува по 6 милиони евра. Договорот му истекува во 2022 година, а Борусија дури следното лето ќе се обиде да го убеди да стави потпис на продолжување на соработката.
Уште отсега за Санчо се интересираат голем број европски клубови и задачата на Борусија да го задржи ќе биде комплицирана.