Виолетовата боја веќе неколку години наназад го зазема водечкото место, кога се во прашање актуелните бои за есен.
И оваа есен пастелните бои ќе бидат апсолутен хит, а на самиот врв се наоѓа лаванда бојата, која ќе ја носиме во сè, од капути, џемпери, панталони, па дури и омилените салонки.
Иако лаванда бојата совршено се комбинира со светли, но и со темни нијанси, најпопуларниот начин за носење оваа сезона е монохроматски изглед во лаванда боја. Таквиот изглед најдобро ќе го освежите со парчиња со светли бои, па затоа оваа есен бирајте светли аксесоари.
Лаванда бојата посебно е присутна на лелеави блузи и фустани, па оваа боја е идеален избор и за актуелната сезона на венчавки.
