Авионската бомба од Втората светска војна пронајдена е и отстранета од подрачјето кое припаѓа на официјалната резиденција на претседателот на Русија, изјавил командантот на Кремљ, Сергеј Хлебњиков.
Тој изјавил дека бомбата била пронајдена во текот на археолошкото ископување кое во меѓувреме е запрено.
„Пронајдена е неексплодирана бомба која веројатно заостанала од Втората светска војна. Се наоѓаше длабоко под површината“ - истакнал Хлебњиков.
Хлебњиков истакнува дека бомбата била пронајдена во делот на Кремљ кој некогаш бил во функција на подрум за мраз и дека е отстранета од површината која припаѓа на резиденцијата на рускиот претседател.
