До крајот на преодниот рок фудбалерот на Манчестер Јунајтед, Алексис Санчез ќе инсистира да биде продаден од клубот.
Чилеанецот посочил дека сака да си замине од Манчестер Јунајтед, а засега за него постои интерес од неколку клубови од Серија А.
„Дејли Мејл“ пренесува дека за 30 годишниот фудбалер се интересираат Јувентус, Наполи и Милан, а од редовите на Јувентус веќе оствариле средба со неговиот агент, Фернандо Феличевич.
Сепак, проблем очигледно претставуваат примањата на фудбалерот кои се блиску до 500.000 фунти неделно, нешто што е тешко за плаќање и за многу финансиски постабилни клубови од Наполи и Милан.
Оле Гунар Солскјер неодамна изјави дека очекува фудбалерот да остане во Манчестер Јунајтед и оваа сезона и посочи дека ќе смета на него за натпреварите кои следат.
