Откако завршија со реструктуирањето на компанијата по пристигнувањето на новиот тимски шеф, Андреас Сеидл и техничкиот директор, Џејмс Кеј, фокусот сега е кон продолжување на моментумот и да го зголемат следната сезона.
Поради тоа тие се желни да ги вложат своите напори повеќе кон болидот за 2020 година, со цел да се одделат од средината и да ја намалат предноста на Мерцедес, Ред Бул и Ферари.
„НАШИТЕ АМБИЦИИ СЕ СЛЕДНАТА ГОДИНА ДА СТИГНЕМЕ ДО СРЕДИНА НА ЗАОСТАНУВАЊЕТО КОЕ ГО ИМАМЕ СЕГА, ПОМЕЃУ ВРВНИТЕ ТРИ ЕКИПИ И НАС. АКО ПОГЛЕДНЕТЕ КОН ВРЕМИЊАТА ПО КРУГ, НИЕ ЗАОСТАНУВАМЕ ОКОЛУ 1 ДО 1.5 СЕКУНДИ ОД ПРВИТЕ ТРИ ЕКИПИ, А НАШАТА ЦЕЛ Е ДА БИДЕМЕ НА ПОЛОВИНА ОД ТОА.
БИ РЕКОЛ ДЕКА СЛЕДНАТА ГОДИНА ЗА НАС ЌЕ БИДЕ ЕВОЛУЦИЈА, НАМЕСТО РЕВОЛУЦИЈА. ИМАМЕ ДОБРА ФОРМА СЕГА, НАУЧИВМЕ МНОГУ СО НОВИОТ БОЛИД, ЗНАЕМЕ КОИ СЕ СЛАБИТЕ ТОЧКИ И ТОА Е НЕШТО ШТО САКАМЕ ДА ГО ПОДОБРИМЕ СЛЕДНАТА ГОДИНА.
ЗА НАС, РАЗЛИКАТА ШТО ЌЕ ИМАМЕ ПОГОЛЕМИ ПЕРФОРМАНСИ ОД БОЛИДОТ Е ШТО ОВОЈПАТ ПОЧНАВМЕ НА ВРЕМЕ, СО НОРМАЛЕН ТАЈМИНГ ЗА ИЗРАБОТКА НА БОЛИДОТ.
ПОЧНАВМЕ ВЕДНАШ ПО ЗИМСКИОТ ТЕСТ И СО ПРВИЧНИОТ КОНЦЕПТ ЗА СЛЕДНИОТ БОЛИД, ШТО Е РАЗЛИЧНО ОД ПРЕТХОДНИТЕ ГОДИНИ, А СЕГА ИМАМЕ ТЕХНИЧКИ ДИРЕКТОР ОД КОЈ ДОБИВАМЕ ГОЛЕМА НАДЕЖ. ОПТИМИСТ СУМ ДЕКА МОЖЕ ДА ГО НАПРАВИМЕ СЛЕДНИОТ ЧЕКОР.
НО, МОРА ДА БИДЕМЕ РЕАЛНИ. КАКО ШТО ИМАМ КАЖАНО НЕКОЛКУ ПАТИ, НЕ ПОСТОИ МАГИЈА. РАЗЛИКАТА СО ЧЕЛНИТЕ ЕКИПИ Е СЕУШТЕ ОГРОМНА, НО ЦЕЛТА Е ДА ЈА НАМАЛИМЕ НА ПОЛОВИНА СЛЕДНАТА ГОДИНА“.
Сеидл истакна дека желбата да направи чекор напред во 2020 година е причината поради која тимот сега мора да размислува кога да го пренасочи фокусот кон новиот болид.
„КЛУЧНО ЗА ВТОРАТА ПОЛОВИНА ОД СЕЗОНАТА ЌЕ БИДЕ КОГА КОНЕЧНО ДА ГО ПРЕНАСОЧИМЕ ЦЕЛОСНИОТ ФОКУС КОН БОЛИДОТ ЗА СЛЕДНАТА ГОДИНА.
ОЧИГЛЕДНО РЕЗУЛТАТИ КАКО ВО УНГАРИЈА НИ ПОМАГААТ БИДЕЈЌИ ЕДНО НЕШТО Е СИГУРНО ВО НАШИТЕ ПЕРФОРМАНСИ: РАЗЛИКАТА СО ЧЕЛНИТЕ ЕКИПИ Е СЕУШТЕ ОГРОМНА И ЈАСНО Е ДЕКА МОРА ТОА ДА БИДЕ НАША ЦЕЛ СЛЕДНАТА ГОДИНА“.
