Џејсон Мико, поранешен почесен конзул на Македонија во Аризона, се огласи по повод веста од грчкиот весник “Катимерини” дека “Северна Македонија го забрани Сонцето од Вергина на јавни простори”.
Тој на својот Твитер профил напиша дека сегашната влада на Македонија никогаш нема да може да го исполни тоа од најразлични прилини, а новата влада ќе го игнорира.
The current Government of #Macedonia, which will fall soon, will never be able to accomplish this for a variety of reasons & a new government will ignore it. The symbol is found on things dug up from the ground and in cultural artifcats, pre-dating the country, all over Macedonia https://t.co/g3um07Emup
— Jason Miko (@JasonMiko) August 12, 2019
“Симболот се наоѓа на работи ископани од под земја и во културни артефакти, кои датираат од пред (постоењето на) земјата, низ цела Македонија”, напишал Мико на Твитер.
На неговиот твит возврати и Катерина Колозова, извршен директор на Институтот за општествени и хуманистички науки – Скопје, која тврди дека сонцето никогаш не било дел од нашиот фолклор.
“Мико, сонцето ништо не ни значи, никогаш не било дел од нашиот фолклор, нигде никаде, ниту од симболизмот патриотски – во 90-ти го лансираше службашот Тодор Петров. Ова е новокомпониран патриотизам: антички, и во суштина антимакедонски”, пишува Колозова.
